Алилорд, 5 мг, таб. №100

Узоқ муддат таъсир қилувчи носедатив антигистамин препарат. Лоратадиннинг бирламчи фаол метаболити ҳисобланади. Семиз ҳужайралардан гистаминни ажралиб чиқишини бостиради. Аллергик яллиғланиш реакциялари занжирини, шу билан бирга яллиғланиш цитокинлари, жумладан ИЛ-4, ИЛ-6, ИЛ-8, ИЛ-13 ларни ажралиб чиқишини, Р-селектин каби адгезия молекулаларини ажралишини ингибиция қилади. Шундай қилиб, аллергик реакцияларни ривожланишини олдини олади ва кечишини енгиллаштиради, қичишишга қарши ва экссудацияга қарши таъсирларга эга, капиллярларнинг ўтказувчанлигини камайтиради, тўқималар шишини, силлиқ мушаклар спазмини олдини олади. Препарат МНТга таъсир кўрсатмайди, уйқучанлик чақирмайди (дезлоратадинни тавсия этилган 5 мг суткалик дозада қўллаш плацебо гуруҳига нисбатан уйқучанликни ривожланиш тезлигини ошиши билан кечмайди) ва психомотор реакциялар тезлигига таъсир қилмайди. Клиника-фармакологик тадқиқотларда дезлоратадинни тавсия этилган терапевтик дозаларда қўллашда QT оралиғини узайиши кузатилмаган. Препаратнинг таъсири ичга қабул қилинганидан сўнг 30 минут давомида бошланади ва 24 соат давом этади

Сўрилиши Препарат ичга қабул қилинганидан кейин дезлоратадин МИЙдан яхши сўрилади, бунда дезлоратадин қон плазмада аниқланиланадиган концентрациясига 30 минут давомида эришади. 5 мг ёки 7,5 мг дозада бир марта қабул қилинганидан сўнг максимал концентрациясига Cmax тахминан 3 соат (2-6 соат) дан кейин эришади. Дезлоратадинни биокираолишлиги дозага (5-20 мг дозалар диапазонида) пропорционалдир. Тақсимланиши Дезлоратадинни плазма оқсиллари билан боғланиши 83-87%, 3-гидроксидезлотадинники эса 85-89% ни ташкил этади. 5 мг дан 20 мг гача бўлган дозаларда суткада 1 марта 14 кун давомида қўлланганида дезлоратадиннинг клиник аҳамиятли тўпланиш белгилари аниқланмаган. Овқат билан бир вақтда қабул қилиш ёки грейпфрут шарбатини бир вақтда истеъмол қилиш дезлоратадиннинг (7,5 мг дозада суткада 1 марта қабул қилинганида) биокираолишлиги ва тақсимланишига таъсир қилмайди. ГЭТ орқали ўтмайди. Метаболизми ва чиқарилиши Жигар 3-гидроксидезлоратадин ҳосил бўлгунигача жадал метаболизмга учрайди, кейинчалик у глюкуронизацияга учрайди. Асосий метаболизм йўли дезлоратадин – гидроксилланиш ҳисобланади. CYP3A4 ва CYP2D6 изоферментларининг ингибитори ҳисобланмайди ва Р-гликопротеиннинг субстрати ёки ингибитори ҳисобланмайди. Дезлоратадин организмдан глюкуронид бирикмаси кўринишида ва кўп бўлмаган миқдорда ўзгармаган кўринишда (буйраклар орқали – 2% дан кам ва ичак орқали – 7% дан кам) чиқарилади. Т1/2 дезлоратадин учун ва 3-гидроксидезлоратадин учун 20-30 соатни (ўртача 27 соатни) ташкил этади.

– Поллиноз ва аллергик ринит (аксириш, бурундан ажралмалар, буринни қичишиши, шиши ва битиши, кўзларни қичишиши ва қизариши, кўз ёшини оқиши, танглай сохасида қичишиш ва йўтал); – эшакеми (қичишиш, тошма) билан боғлиқ бўлган симптомларни бартараф қилиш учун қўлланади.

Фаол моддага ёки препартнинг бирон-бир компонентига, ёки лоратадинга юқори сезувчанликда қўллаш мумкин эмас.

Юқори даражали буйрак етишмовчилиги бўлган беморларда Алилорд препаратини қабул қилишни шифокорнинг назорати остида амалга ошириш керак. Галактозани ўзлаштираолмаслик, лактоза етишмовчилиги ёки глюкоза ва галактозани мольабсорбция каби кам учрайдиган наслий касалликлари бўлган пациентлар, бу препаратни қабул қилмасликлари керак.

Дезлоратадин одатда яхши ўзлаштирилади, лекин баъзида ножўя самаралари пайдо бўлиши мумкин. Руҳий бузилишлар: галлюцинациялар. Нерв тизими томонидан: бош оғриғи, бош айланиши, уйқучанлик, уйқусизлик, психомотор гиперфаоллик, юқори толиқиш. Юрак томонидан: тахикардия, юракни кучли уриши. Меъда-ичак йўллари томонидан: оғизни қуриши, диарея, қоринда оғриқ, кўнгил айниши, қусиш, диспепсия. Гепатобилиар тизими томонидан: жигар ферментларининг фаоллигини ошиши, билирубиннинг даражасини ошиши, гепатит. Скелет-мушак тизими ва бириктирувчи тўқима томонидан: миалгия. Умумий бузилишлар: ўта юқори сезувчанлик реакциялари (шу жумладан анафилаксия, ангионевротик шиш, ҳансираш, қичишиш, тошмалар ва эшакеми), кучли толиқиш.

Кетоконазол, эритромицин, азитромицин, флюоксетин, циметидин билан бирга кўп марта қўлланганида препаратнинг қон плазмадаги концентрациясини клиник аҳамиятли ўзгаришлари аниқланмаган. Дезлоратадиннинг метаболизмига жавоб берувчи фермент аниқланмаганлиги туфайли, бошқа дори воситалари билан ўзаро таъсири эҳтимолини бутунлай истисно қилиш мумкин эмас. Клиник-фармакологик текширишларда, алкоголь билан бирга қабул қилинган дезлоратадин, этанолни психомотор фаолиятга салбий таъсирини кучайтирмаган.

Ичга, бутунлигича, чайнамасдан ютилади. Препаратни сутканинг айнин бир хил вақтида, овқатланишдан қатъий назар, кўп бўлмаган миқдордаги сув билан қабул қилиш тавсия этилади. Катталар ва 12 ёш ҳамдан ундан катта ўсмирлар – препарат 5 мг (1 таблетка) дозада суткада 1 марта буюрилади. Вақти-вақти билан авж олувчи аллергик ринитни (симптомларни ҳафтада 4 кундан кам ёки йилига 4 ҳафтадан кам вақт давомида бўлиши) даволашни анамнез ва клиник маълумотларни ҳисобга олиб ўтказиш керак: симптомлар йўқолганидан сўнг тўхтатиш ва улар такроран пайдо бўлганида қайта бошлаш керак. Доимий ривожланиб турувчи аллергик ринитда (симптомларни ҳафтада 4 кундан кўп ва йилига 4 ҳафтадан кўп вақт давомида бўлиши) даволашни аллергенлар таъсир кўрсатадиган бутун давр мобайнида қўллаш тавсия қилинади.

Доза ошириб юборилган ҳолларда сўрилмаган фаол моддани йўқотиш учун стандарт чораларни кўриш керак. Симптоматик ва тутиб турувчи даволаш тавсия этилади. Дезлоратадин 45 мг дозаларда юборилган клиник тадқиқотларда (улар тавсия қилингандан 9 марта юқори), клиник аҳамиятли ноҳуш реакциялар кузатилмаган. Дезлоратадин гемодиализ йўли билан чиқарилмайди; перитонеал диализда уни йўқотиш мумкинлиги аниқланмаган.

Қуруқ, ёруғликдан ҳимояланган жойда, 30ºС дан юқори бўлмаган ҳароратда сақлансин. Болалар ололмайдиган жойда сақлансин.

DV/X 09836/04/22

Alisha & Isha Pharmaceuticals