Apeksis, 200 mg, tab. №30

Qo'llash usuli va dozalari Ichga, yaxshisi ovqatdan keyin. Kattalar va 12 yoshdan oshgan bolalar: sutkasiga 3-4 martagacha 1-2 tabletkadan (200-400 mg). Kattalar uchun maksimal sutkalik doza – 1200 mg (6 tabletka). Qabul qilish oralig'i – kamida 4 soat. Och qoringa qabul qilinganda tez ta'sirga erishish uchun ko'p miqdorda suv bilan ichish tavsiya etiladi. Shifokor maslahatisiz maksimal qo'llash muddati: isitmani tushiruvchi vosita sifatida – 3 kundan ortiq emas; og'riq qoldiruvchi vosita sifatida – 5 kundan ortiq emas. Nojo'ya ta'sirlari Nojo'ya ta'sirlar bo'lishi mumkin: oshqozon-ichak trakti tomonidan (ko'ngil aynishi, qusish, jig'ildon qaynashi, diareya, qorin og'rig'i, oshqozon-ichak traktining eroziyali-yarali shikastlanishlari), allergik reaksiyalar (teri toshmasi, qichishish, eshakemi, bronxospazm, angionevrotik shish), bosh og'rig'i, bosh aylanishi, uyqu buzilishi, buyrak yetishmovchiligi, arterial qon bosimining ko'tarilishi. Har qanday nojo'ya ta'sirlar paydo bo'lganda qabul qilishni to'xtatish va shifokorga murojaat qilish kerak. Qo'llash mumkin bo'lmagan holatlar Ibuprofen yoki preparatning boshqa komponentlariga, atsetilsalitsil kislotasiga va boshqa NYAQVga yuqori sezuvchanlik. Oshqozon-ichak traktining zo'rayish bosqichidagi eroziyali-yarali kasalliklari (shu jumladan oshqozon va o'n ikki barmoqli ichak yara kasalligi, nospetsifik yarali kolit, Kron kasalligi). Atsetilsalitsil kislotasi yoki boshqa NYAQV qabul qilish oqibatida kelib chiqqan "Aspirin" astmasi, eshakemi, rinit. Og'ir buyrak yetishmovchiligi, og'ir jigar yetishmovchiligi, og'ir yurak yetishmovchiligi. Homiladorlik (III trimestr), laktatsiya davri. 12 yoshgacha bo'lgan bolalar (ushbu dori shakli va dozasi uchun). Maxsus ko'rsatmalar Preparatni qo'llashdan oldin shifokor bilan maslahatlashing. Anamnezda oshqozon-ichak traktining yarali shikastlanishlari bo'lganda, jigar, buyrak, yurak kasalliklari, gipertoniya, bronxial astma, homiladorlik davrida (I-II trimestrlar), keksa yoshda ehtiyotkorlik bilan qo'llash kerak. Tavsiya etilgan dozalardan oshirmang. Uzoq muddat qo'llanilganda periferik qon ko'rsatkichlari va jigar hamda buyrak funksional holatini nazorat qilish zarur.