Doloriva OD, kaps. №30

Qo‘llash usuli va dozalari Kapsulalar ichga, ovqatlanishdan qat'i nazar, yetarli miqdordagi suyuqlik bilan qabul qilinadi. Doza og‘riq sindromining intensivligi va bemorning sezgirligiga qarab individual ravishda tanlanadi. Odatda boshlang‘ich doza sutkasiga 1-2 marta 100 mg ni tashkil qiladi. Maksimal sutkalik doza 400 mg dan oshmasligi kerak. Nojo‘ya ta'sirlari Asab tizimi tomonidan: bosh aylanishi, bosh og‘rig‘i, uyquchanlik, holsizlik, ongning chalkashishi, harakatlar koordinatsiyasining buzilishi. Ovqat hazm qilish tizimi tomonidan: ko‘ngil aynishi, qusish, qabziyat, og‘iz qurishi. Yurak-qon tomir tizimi tomonidan: taxikardiya, ortostatik gipotenziya. Allergik reaksiyalar: teri toshmasi, qichishish, eshakemi. Qo‘llash mumkin bo‘lmagan holatlar Tramadol yoki preparatning boshqa komponentlariga yuqori sezgirlik. Spirtli ichimliklar, uxlatuvchi dorilar, analgetiklar, opioidlar yoki psixotrop vositalar bilan o‘tkir intoksikatsiya. Og‘ir jigar yoki buyrak yetishmovchiligi. Nazorat qilib bo‘lmaydigan tutqanoq. Homiladorlik va laktatsiya davri. 12 yoshgacha bo‘lgan bolalar. Maxsus ko‘rsatmalar Anamnezida giyohvandlikka moyilligi bo‘lgan, bosh-miya jarohatlari, intrakranial bosimning oshishi, buyrak va jigar funksiyasining buzilishi bo‘lgan bemorlarga, shuningdek keksa yoshdagi bemorlarga ehtiyotkorlik bilan buyuriladi. Davolanish vaqtida transport vositalarini boshqarishdan va yuqori konsentratsiya hamda psixomotor reaksiyalar tezligini talab qiluvchi ishlarni bajarishdan saqlanish kerak.