Eraton, tab. №30

Qo'llash uchun tavsiyalar: • turli genezli osteoporozning profilaktikasi va kompleks terapiyasi: yoshga bog'liq, menopauza davridagi ayollarda (tabiiy va jarrohlik), senil, idiopatik, steroid, shuningdek, uzoq muddatli immobilizatsiya bilan bog'liq va uning asoratlari (sinishlar va h.k.); • tish va periodont kasalliklarining profilaktikasi va kompleks terapiyasi; • kalsiy va sink, D3 va K2 vitaminlarining yetarli darajada iste'mol qilinmasligi; • kalsiy, D3 vitaminining qo'shimcha qabul qilinishini talab qiluvchi holatlar (travmatik sinishlarning konsolidatsiyasini yaxshilash uchun, homiladorlik davrida, yetarli darajada ovqatlanmaslikda). Qo'llash mumkin bo'lmagan holatlar: giperkalsiemiya, giperkalsiuriya, nefrolitiaz, D3 vitamini gipervitaminozi, komponentlarga yuqori sezuvchanlik, 5 yoshgacha bo'lgan bolalar. Homiladorlik va emizish davrida qo'llanilishi: shifokor bilan maslahatlashgandan so'ng (bunda 1200 mg kalsiy va 20 mkg D3 vitaminidan oshmaydigan sutkalik dozaga rioya qilish kerak. D3 vitamini va uning metabolitlari ona sutiga o'tishi mumkin, shuning uchun onada va bolada boshqa manbalardan kalsiy va D3 vitamini kelib tushishini hisobga olish kerak. Qo'llash usuli va dozalari: Kalsiy va/yoki D3 vitamini tanqisligining profilaktikasi va kompleks davolash: kattalar va 12 yoshdan oshgan bolalar - 1 tabletkadan kuniga 2 marta, 5 yoshdan 12 yoshgacha bo'lgan bolalar – 1 tabletkadan kuniga 1 marta ovqatdan keyin. Osteoporoz va uning asoratlarini (sinishlar) kompleks davolashda: (kattalar) - 1 tabletkadan kuniga 2-3 marta ovqatdan keyin. Nojo'ya ta'siri: allergik reaksiyalar, oshqozon-ichak trakti disfunksiyasi (qabziyat yoki diareya, meteorizm, ko'ngil aynishi, qorinda og'riq), giperkalsiemiya va giperkalsiuriya (qon yoki siydikda kalsiy miqdorining oshishi). Dozani oshirib yuborish simptomlari: anoreksiya, chanqoqlik, poliuriya, ishtahaning pasayishi, holsizlik, ko'ngil aynishi, qusish, giperkalsiuriya, giperkalsiemiya. Chiqarilish shakli: tabletkalar №30. 15 ta tabletkadan 2 ta blister, ilova-varaqasi bilan karton qadoqda. Yaroqlilik muddati: qadoq va blisterlarda ko'rsatilgan. Yaroqlilik muddati o'tgandan keyin qo'llamang! Saqlash sharoitlari: namlik va yorug'likdan himoyalangan joyda, 250 C dan yuqori bo'lmagan haroratda saqlang. Bolalar qo'li yetmaydigan joyda saqlang.