Ferro, kaps. №30

Preparat ichga, bevosita ovqatlanish vaqtida yoki ovqatdan keyin qo'llaniladi. Temir tanqisligi anemiyasida kuniga 2 marta 1-2 kapsuladan, o'rtacha 3 oy davomida. Yashirin temir tanqisligida 3-4 hafta davomida kuniga 1 marta 1-2 kapsuladan. Homilador ayollarga, homiladorlikning 14-haftasidan boshlab, tug'ruqqacha haftalik tanaffuslar bilan 2 hafta davomida kuniga 1 marta 1 kapsuladan. Laktatsiya davrida kuniga 1 kapsuladan. Davolash davomiyligi 3-6 oy. Gemoglobin ko'rsatkichi normallashganda, organizmdagi temir deposi to'yinguncha terapiyani yana taxminan 2 oy davom ettirish kerak. Tibbiy abortdan oldin 10 kun davomida kuniga 1-2 kapsuladan. Rejali operatsiyalardan oldin 2-3 hafta davomida kuniga 1-2 kapsuladan. Menstruatsiya davrida: menstruatsiya boshlanishidan 2 kun oldin, butun sikl davomida va u tugagandan keyin 2 kun davomida 1 kapsuladan. Qo'llashning umumiy davomiyligi - 10 kun. Intensiv jismoniy yuklamalari bo'lgan shaxslarga, shuningdek gipo- va avitaminozda kuniga 1-2 kapsuladan. Profilaktika va terapiya kursi 10 kunni tashkil etadi. 1 kapsula tarkibida: Temir sulfati - 150 mg. C vitamini - 100 mg. B6 vitamini - 1 mg. Yordamchi moddalar: kalsiy stearati, kraxmal, saxaroza. Quruq, yorug'likdan himoyalangan joyda 0 °C dan +25 °C gacha haroratda saqlang. Bolalar qo'li yetmaydigan joyda saqlang.