Флертис, 1,5 мг/мл, 20 мл, амп. №10

Гидроксил радикаллари (-OH) каби эркин радикаллар ишемия билан боғлиқ бош миядаги қон-томирларнинг бузилишларини асосий омилларидан бир ҳисобланади. Ишемия ёки қон кетишда арахидон кислотаси метаболитлари ишлаб чиқаришнинг аномал ўсиши туфайли ишлаб чиқарилган эркин радикаллар миқдори ортади. Ушбу эркин радикаллар ҳужайра мембраналари липидларининг бир қисми бўлган тўйинмаган ёғли кислоталарнинг пероксидланишига олиб келади, ва уларга зарар етказади, бу эса мия фаолиятининг бузилишига олиб келади. Ён томонлама амиотрофик склерознинг (ЁАС) бошланиши ва ривожланишининг этиологияси ҳозирги вақтда охиргача аниқланмаган. Бироқ, эркин радикаллар келтириб чиқарадиган оксидловчи стресс ушбу патология учун этиологик омил бўлиши мумкинлиги тахмин қилинган. Эдаравон эркин радикалларни ўзлаштиради ва липид пероксоксидланишни бостиради ва шу билан бош мия ҳужайраларига (қон-томирларнинг эндотелиал ҳужайралари/нерв ҳужайралари) оксидловчи зарарни камайтиради. Ишемик мия инфарктининг ўткир босқичида ушбу дори воситаси бош мия шиши, ишемик инсульт, неврологик симптомлар, нейронларнинг секин ўлими каби ишемик цереброваскуляр бузилишларнинг пайдо бўлиши ва ривожланишини (зўрайиши) бостириш орқали мияни ҳимоя қилади. Ён томонлама амиотрофик склероз (ЁАС) ҳолатида, бу дори воситаси сусайтирувчи таъсири туфайли нерв ҳужайраларининг оксидловчи шикастланишини камайтириш орқали касалликнинг ривожланишини тормозлашини намоён этади.

Плазмадаги концентрацияси Препаратнинг фармакокинетикаси 2 кун давомида суткада икки марта препаратнинг дозасини (0,5 мг / кг) такрорий вена ичига юборишдан 30 минут ўтгач, бешта соғлом эркак кўнгиллиларда ва 65 ёшдаги бешта соғлом кекса ёшли эркак кўнгиллиларда тадқиқотлар ўтказилди. Фармакокинетик параметрлари Соғлом эркак-кўнгиллилар (n = 5) Соғлом кекса ёшли эркак-кўнгиллилар (n = 5) Сmax (нг/мл) 888 ± 171 1041 ± 106 t ½ α (с) 0,27 ± 0,11 0,17 ± 0,03 t ½ β (с) 2,27 ± 0,80 1,84 ± 0,17 Иккала гуруҳдаги қон плазмасидаги ўзгармаган препаратнинг концентрацияси тўпланиш изларисиз тенг даражада камайган. Қон зардоби оқсиллари билан боғланиш даражаси Эдаравоннинг (5 мкМ ва 10 мкМ) одам зардобидаги оқсиллари ва одам зардоби альбумини билан боғланиш даражаси мос равишда 92% ва 89-91% ни ташкил этди (in vitro шароитда). Метаболизми Қон плазмасида соғлом катталар ва соғлом кекса ёшли эркакларда эдаравоннинг асосий метаболитлари сульфат коньюгатлари бўлиб, глюкурон кислотаси билан коньюгатлар ҳам аниқланган. Сийдикда асосан глюкуронидлар ва кам миқдорда сульфатлар аниқланган Хулоса Ушбу препаратни соғлом катталар ва соғлом кекса ёшли эркакларга 2 кун давомида кунига икки марта (0,5 мг/кг/30 минут х суткада 2 марта) такрорий вена ичига юборилгандан сўнг, дозанинг 0,7-0,9% ва 71,0-79,9% юборилгандан кейин 12 соат ўтгач организмдан сийдик билан ўзгармаган кўринишда ва сийдикда метаболитлар кўринишида чиқарилади.

Сийдик-чиқариш тизими томонидан: тез-тез эмас: ўткир буйрак етишмовчилиги; кам ҳолларда: нефротик синдром. Буйрак функцияси тестлари мунтазам равишда ўтказилиши ва пациентларни диққат билан кузатиб бориш керак, чунки ўткир буйрак етишмовчилиги ёки нефротик синдром пайдо бўлиши мумкин. Агар буйрак функциясининг пасайиш кўрсаткичлари ва/ёки симптомлар аниқланса, масалан, олигурия ва бошқалар, сиз дарҳол препаратни қабул қилишни тўхтатишингиз ва тегишли чораларни кўришингиз керак. Тери томонидан: тез-тез: тошма; тез-тез эмас: қизариш, шиш, қичишиш хисси; учраш тез-тезлиги номаълум: эритема. Гепатобилиар тизими томонидан: тез-тез эмас: жигар функциясининг бузилиши, жигар етишмовчилиги; учраш тез-тезлиги номаълум: фульминант гепатит, сариқлик. Жигар тестларини тез-тез ўтказиш ва пациентларнинг ҳолатини диққат билан кузатиб бориш керак, чунки оғир гепатит, шу жумладан фульминант гепатит, жигар дисфункцияси ёки сариқлик АсАт, АлАт, ишқорий фосфатаза, гамма- глутамилтранспептидаза, ЛДГ, қонда билирубин ва бошқалар даражасининг сезиларли даражада ошиши билан пайдо бўлиши мумкин. Агар патологик кўрсаткичлар аниқланса, сиз дарҳол препаратни қабул қилишни тўхтатишингиз ва тегишли чораларни кўришингиз керак. Нерв тизими томонидан: тез-тез эмас: уйқусизлик, бош оғриғи. Юрак-қон томир тизими томонидан: тез-тез эмас: артериал босимининг ошиши. Қон тизими томонидан: тез-тез: эритроцитлар сонининг камайиши, лейкоцитоз, лейкопения, гематокритнинг пасайиши, гемоглобин даражасининг пасайиши, тромбоцитоз; кам ҳолларда: ДВС-синдроми, тромбоцитопения; учраш тез-тезлиги номаълум: агранулоцитоз. Гематологик текширувлар вақти-вақти билан ўтказилиши керак, чунки ДВC-синдроми келиб чиқиши мумкин. Агар гематологик тестларда бирон бир оғишлар аниқланса ёки ДВC-синдромига шубҳа туғилса, ушбу дори воситасини қўллашни тўхтатиш ва тегишли терапевтик чораларни кўриш керак. Нафас олиш тизими томонидан: учраш тез-тезлиги номаълум: ўткир ўпка шикастланиши синдроми, пирексия, йўтал, диспноэ, кўкрак қафаси рентгенограммаси аномалияси билан биргаликда кечади. Пациентларни диққат билан кузатиб бориш керак, чунки иситма, йўтал, хансираш ва кўкрак қафаси рентгенограммасида оғишлар билан ўткир ўпка шикастланиши келиб чиқиши мумкин. Агар ўткир ўпка шикастланишининг бирон бир белгилари аниқланса, дарҳол препаратни қабул қилишни тўхтатиш ва тегишли чораларни кўриш керак. Меъда-ичак тизими томонидан: тез-тез эмас: кўнгил айниши, қусиш. Суяк-мушак тизими томонидан: учраш тез-тезлиги номаълум: рабдомиолиз. Пациентларни диққат билан кузатиб бориш керак, чунки рабдомиолиз ривожланиши мумкин. Агар миалгия, холсизлик, креатинфосфокиназа (КФК) даражасининг ошиши ва қон ва/ёки сийдикда миоглобин даражасининг ошиши кузатилса, ушбу препаратни қабул қилишни тўхтаб, тегишли терапевтик чораларни кўриш керак. Иммун тизими томонидан: учраш тез-тезлиги номаълум: шок, анафилаксия (эшакеми, артериал босимининг пасайиши, нафас олишни қийинлишуви ва шунга ўхшашлар). Пациентларни диққат билан кузатиб бориш керак, чунки шок ва анафилактоид реакциялар (эшакеми, артериал босимининг пасайиши, хансираш ва бошқалар) пайдо бўлиши мумкин. Агар патологик кўрсаткичлар аниқланса, препаратни қабул қилишни тўхтатиб, тегишли чораларни кўриши керак. Лаборатор кўрсаткичларининг ўзгариши: тез-тез: АлАТ, АсАТ, ЛДГ, гамма-глутамилтранспептидаза, ишқорий фосфатаза, билирубин, креатинин, қон зардобида сийдик кислотаси, глюкозурия, гематурия, протеинурия, қон зардобида холестерин миқдори ошиши, триглицеридлар даражаси, умумий зардоб оқсилининг пасайиши, КК (КФК) ортиши, КК (КФК) нинг пасайиши, зардобдаги калий даражасининг пасайиши, зардобдаги калий даражасининг ошиши; тез-тез эмас: қон зардобида холестерин даражасининг пасайиши, қон зардобида кальций миқдорининг пасайиши. Юборилган жойидаги ўзгаришлар: тез-тез эмас: инъекция жойида тошма, қизариш ва шиш. Умумий бузилишлар: тез-тез: иситма; тез-тез эмас: гипертермия, қизиб кетишлар ҳисси, артериал босимининг ошиши, бош оғриғи.

Буйраклар типидаги экскреция билан антибиотиклар билан бир вақтда қўлланилганда (цефазолин натрий, цефотиам гидрохлорид, пиперациллин натрий ва бошқалар), буйрак дисфункциясининг кучайиши эҳтимоли бор -мажмуада қўлланилганда буйрак функциясини мунтазам кузатиб бориш билан эҳтиёткорлик билан кузатиб бориш керак. Ушбу ҳодисанинг механизми номаълум. Ушбу препарат асосан буйраклар орқали чиқарилганлиги сабабли, буйраклар томонидан чиқарилган антибиотикларни бир вақтнинг ўзида қўллаш буйракларга юкламасини ошириши мумкин. Флертисни юборишдан олдин натрий хлориднинг физиологик эритмасида эритиш керак. Дори воситасини турли хил қанд сақловчи бошқа вена ичига юбориладиган эритмалар билан аралаштириш эдаравон концентрациясининг пасайишига олиб келиши мумкин. Препаратни парентерал озиқлантириш эритмалари ва/ёки аминокислоталарни сақловчи эритмалар билан аралаштириш, шунингдек, бир хил инфузион тизимлар орқали юбориш мумкин эмас - бу эдаравон концентрациясининг пасайишига олиб келиши мумкин. Тиришишга қарши препаратлар, шу жумладан дазепам, фенитоин натрий ва бошқалар билан аралаштирманг, хиралашиш ҳосил бўлиши мумкин. Бундан ташқари, калий канреноат билан аралаштирманг, чунки эритма хиралашиши мумкин.

Неврологик симптомларни, кундалик ҳаётдаги фаолият бузилишларининг намоён бўлишини ва ўткир ишемик инсульт билан боғлиқ функционал бузилишларни бартараф етиш. Катталар учун одатий доза - 1 ампула (30 мг эдаравон), 100 мл физиологик эритма билан суюлтирилади, уни суткада икки марта, эрталаб ва кечқурун 30 минут давомида вена ичига юборилади. Ушбу препарат билан даволаш симптомлар бошланганидан кейин 24 соат ичида бошлаш тавсия этилади, даволаниш муддати 14 кунни ташкил этади. Ён томонлама амиотрофик склерози (ЁАС) бўлган пациентларда функционал бузилишларнинг ривожланишини секинлаштириш. Катталар учун одатий доза - 2 ампула (60 мг эдаравон), 100 мл физиологик эритма билан суюлтирилади, уни суткада бир марта 60 минут давомида вена ичига юборилади. Қоида тариқасида, препаратни юбориш муддати ва тинч даври жами 28 кунни ташкил этади ва бир курси ҳисобланади, бундай курслар такрорланади. Биринчи курс препаратни қўллашнинг 14 кунидан иборат бўлиб, сўнгра 14 кунлик танаффус ва дам олишдан иборат бўлади, иккинчи курс ва ундан кейинги курс 10 кунлик препаратни 14 кун давомида юборишдан иборат, шундан сўнг 14 кунлик дам олиш даври бошланади. Ўткир ишемик инсульти бўлган пациентларда қўлланилиши Даволашнинг давомийлиги пациентнинг клиник ҳолатига қараб қисқартирилишини ҳисобга олиш керак. Кекса ёшли пациентлар. Кекса ёшли пациентларда физиологик функциялар одатда пасайганлиги сабабли, агар ножўя самаралар юзага келса, препаратни қабул қилишни тўхтатиб ва тегишли чораларни кўриш керак. Кекса ёшли пациентларда ўлим ҳолатлари тез-тез содир бўлиши маълум, шунинг учун кузатувда айниқса мунтазам бўлиши керак. Болалар. 18 ёшгача бўлган болалар ва ўсмирларда препаратни қўллаш тажрибаси мавжуд эмас, шунинг учун уни ушбу ёшдаги беморларга буюриш мумкин эмас.

Флентис ушбу препарат ҳақида етарли маълумотга эга бўлган ва ушбу касаллик учун қўлланилиш тажрибасига эга бўлган шифокорларнинг қаттиқ назорати остида қўлланилиши керак. Препаратни қўллашдан олдин пациентга ёки унинг ваколатли вакилига ножўя таъсирлар ва шунга ўхшаш маълумотлар ҳақида етарли тушунтириш берилиши керак. Даволаш вақтида ўткир буйрак етишмовчилиги ёки буйрак функциясининг ёмонлашиши, оғир жигар дисфункцияси ва/ёки ўлимга олиб келиши мумкин бўлган диссеминирланган қон-томирлар ичидаги қон ивиши (ДВС) кузатилиши мумкин. Бир вақтнинг ўзида буйрак етишмовчилиги, жигар етишмовчилиги ва/ёки гематологик бузилишлар ва шунга ўхшашлар ривожланишининг жиддий ҳолатлари ҳақида хабар берилган. Ушбу дори воситасини оғир ЁАС шакллари бўлган пациентларга (4 даражасидан юқори) ва ўпканинг мажбурий сиғими назарий меъёрнинг 70% дан кам бўлган беморларга буюриш ҳолатлари кам, шунинг учун унинг самарадорлиги ва хавфсизлиги исботланмаган. Бундай пациентларга препаратни буюриш хавфи ва фойдаларни ҳисобга олган ҳолда мувозанатли бўлиши керак. Препарат билан даволашнинг бошида ёки уни қўллашдан кейин дарҳол қонда мочевина азоти (ҚМА), креатинин, аспартатаминотрансфераза (АсАТ), аланинаминотрансфераза (АлАТ), лактатдегидрогеназа (ЛДГ), креатинкиназа, эритроцитлар ва тромбоцитларни аниқлаш керак. Ушбу кўрсаткичлардаги эрта ўзгаришларни аниқлаш учун таҳлил қилиш керак, чунки кўп ҳолларда лаборатория текширувлари натижалари препаратни қўллашнинг дастлабки босқичида ёмонлашиши мумкин. Эдаравонни қўллаш вақтида лаборатория тахлиллари мунтазам равишда ўтказилиши керак. Агар тест натижаларида аномал ўзгаришлар ва/ёки симптомлар аниқланса, масалан, олигурия, сиз дарҳол препаратни қабул қилишни тўхтатишингиз ва тегишли чораларни кўришингиз керак. Бундан ташқари, инъекция тугаганидан кейин пациентни холатини диққат билан кузатиш давом этиши керак. Қонда мочевина азот/креатинин нисбати юқори бўлган ёки бошқа белгиларга эга бўлган сувсизланиши бўлган пациентларни даволаш вақтида диққат билан кузатиб бориш керак, чунки бу пациентларда ўлим ҳолатлари ҳақида хабарлар берилган. Ён томонлама амиотрофик склероз (ЁАС) бўлган пациентларда касалликни жаддалашиб бориши билан мушак атрофияси туфайли қон зардобида креатининининг пасайишини аниқлаш мумкин, шунинг учун зардобдаги креатининининг бир марталик кўрсаткичини назорат қиймати билан солиштириш ўрнига, ўзгаришлар қон зардобидаги креатинин мавжудлиги ёки бузилиш тенденцияларининг йўқлиги мавжудлигини таъминлаш учун кузатилиши керак. Бундан ташқари, АБҚК индикатори организмдаги сув миқдорига қараб ўзгариб туриши сабабли, бир марталик АБҚК индикаторини назорат қиймати билан таққослаш ўрнига, АБҚК кўрсаткичларидаги ўзгаришлар бузилиш тенденцияси мавжудлигини ёки йўқлигини таъминлаш учун кузатилиши керак. Мушак атрофияси бўлган пациентларда, инъекциядан олдин ва инъекция вақтида, қон зардобида креатинин ва АБҚК ни ўлчашдан ташқари, буйрак функциясини мушак массасининг ўзгаришига боғлиқ бўлмаган тестлар ёрдамида, масалан, зардобдаги цистатин C нинг тахминий калава фильтрация тезлиги, сийдикда креатинин клиренсини баҳолаш керак. Агар инъекция вақтида инфекция каби асоратлар пайдо бўлса ва қўшимча антибиотикларни қабул қилиш керак бўлса, препаратни инъекция қилишни давом эттириш зарурати диққат билан кўриб чиқилиши керак, ва агар инъекция давом этса, лаборатория кўрсаткичларини айниқса диққат билан кузатиб бориш керак. Бундан ташқари, препаратни қўллаш тугаганидан кейин ҳам лаборатория текширувлари натижаларини мунтазам равишда кузатиб бориш керак ("Дори воситаларининг ўзаро таъсири" бўлимига қаранг). Агар инъекция вақтида буйрак дисфункцияси юзага келса, препаратни қабул қилишни дарҳол тўхтатиш ва буйрак дисфункциясини даволашда етарли билим ва тажрибага эга бўлган шифокорлар билан ҳамкорликда тегишли чоралар кўриш керак. Инфекцияли ёки онгнинг жиддий бузилиши бўлган пациентларда (яъни, Япония кома баҳолаш шкаласи бўйича 100 балл) кўплаб ўлим билан якунланиш ҳолатлар кузатилган. Шунинг учун ушбу пациентлар учун хавф/фойда нисбати диққат билан баҳоланиши керак. Кекса ёшли пациентлар айниқса эҳтиёткорлик билан назоратни талаб қиладилар, чунки ушбу тоифадаги пациентлар орасида кўплаб ўлим ҳолатлари кузатилган. Кекса ёшли пациентлар айниқса эҳтиёткорлик билан назоратни талаб қиладилар, чунки ушбу тоифадаги пациентлар орасида кўплаб ўлим ҳолатлари кузатилган. Флертисни қуйидаги тоифадаги пациентларда эҳтиёткорлик билан қўллаш керак: - буйрак функциясининг бузилиши ва/ёки сувсизланиш билан - ўткир буйрак етишмовчилигининг юқори хавфи туфайли (ўткир буйрак етишмовчилиги ёки буйрак функциясининг бузилиши ёмонлашиши мумкин. Қўллашдан олдин қонда мочевина азот/креатинин нисбати юқори бўлган пациентларда ўлим ҳолатлари ҳақида хабарлар берилган); - инфекция билан (пациентнинг умумий аҳволи ёмонлашиши туфайли буйрак етишмовчилиги ёмонлашиши мумкин); - жигар функциясининг бузилиши билан (жигар етишмовчилигининг ёмонлашиши мумкин); - юрак касаллиги бўлган (касалликнинг ёмонлашиши, шунингдек буйрак етишмовчилигининг ривожланиши); - онгнинг жиддий бузилиши бўлган (ушбу тоифадаги пациентларда ўлимга олиб келадиган ҳолатлар ҳақида хабарлар берилган); - кекса ёшли пациентлар (ушбу тоифадаги пациентларда ўлимга олиб келадиган ҳолатлар ҳақида хабарлар берилган). Гематологик текширувларни тез-тез ўтказиш ва пациентларни диққат билан кузатиб бориш керак, чунки тромбоцитопения ёки гранулоцитопения пайдо бўлиши мумкин. Агар патологик кўрсаткичлар аниқланса, сиз дарҳол препаратни қабул қилишни тўхтатишингиз ва тегишли чораларни кўришингиз керак. Ушбу препарат таркибида калия метабисульфит (E 223) сақлайди, кам ҳолларда ўта юқори сезувчанлик реакциялари ва бронхоспазмга олиб келиши мумкин.

Флертис qoʻllash yoʻriqnomasi