Levokarnil Evalar, 300 mg/ml, 100 ml, flak.

Qo'llash usuli va dozalari Preparat kompleks terapiya tarkibida qo'llaniladi. Ichkariga ovqatdan 30 daqiqa oldin, qo'shimcha ravishda suyuqlik bilan suyultirib. Dozalarni o'lchash uchun tiqin-tomizgich yoki qadoqqa kiritilgan o'lchov stakanidan foydalanish kerak. Dozalash qulayligi uchun pipetka yoki tibbiy shpritsdan ham foydalanish mumkin. Kattalar va 12 yoshdan oshgan bolalar Uzoq muddatli jismoniy va psixo-emotsional yuklamalarda: 0,75 g (2,5 ml) dan kuniga 3 marta 2,25 g (7,5 ml) gacha kuniga 2-3 marta. Nerv anoreksiyasida, shuningdek, o'tkazilgan kasalliklar va jarrohlik aralashuvlari hamda jarohatlardan keyin reabilitatsiya davrida: 1,5 g (5 ml) dan kuniga 2 marta. Davolash kursi – 1-2 oy davomida. Surunkali gastrit va surunkali pankreatitning pasaygan sekretor funksiyasi bilan kompleks terapiyasida: 0,375 g (1,25 ml) dan kuniga 2 marta. Davolash kursi – 1-1,5 oy davomida. Teri kasalliklarini davolash uchun: 0,75 g (2,5 ml) dan. Davolash kursi – 2-4 hafta davomida. Yengil darajadagi gipertireozda: 0,25 g (13 tomchi) dan kuniga 2-3 marta. Davolash kursi – 20 kun. Davolash kursi 1-2 oylik tanaffusdan keyin takrorlanadi yoki 3 oy davomida tanaffussiz buyuriladi. Bosh miyaning qon tomir, toksik va travmatik shikastlanishlarida: 0,75 g (2,5 ml) dan kuniga. Davolash kursi – 3-5 kun davomida. Zarur bo'lganda 12-14 kundan keyin takroriy kurs buyuriladi. Karnitin yetishmovchiligi bilan kechadigan kasalliklarda (birlamchi va ikkilamchi karnitin yetishmovchiligi): kuniga 50-100 mg/kg (2-5 tomchi/kg) tana vazniga, 2-3 qabulga bo'lingan holda. Davolash kursi – 3-4 oy davomida. Bolalarga shirin taomlarga (kisel, kompot, sharbatlar) qo'shimcha sifatida buyuriladi. 3 yoshgacha bo'lgan bolalarda preparatni qo'llash shifokor nazorati ostida amalga oshiriladi. 3 yoshgacha bo'lgan bolalarga doza davolovchi shifokor tomonidan belgilanadi. Klinik tadqiqotlar natijalariga ko'ra, 3 yoshgacha bo'lgan bolalar uchun levokarnitinning tavsiya etilgan dozasi kuniga 50-100 mg/kg (2-5 tomchi/kg) tana vazniga, 2-3 qabulga bo'lingan holda. 3 yoshdan 6 yoshgacha – bir martalik dozada 0,1 g (5 tomchi) dan kuniga 2-3 marta, sutkalik dozada 0,2-0,3 g (11-16 tomchi). Davolash kursi – 1 oy. 6 yoshdan 12 yoshgacha bo'lgan bolalarga bir martalik dozada 0,2-0,3 g (11-16 tomchi) dan kuniga 2-3 marta, sutkalik dozada 0,4-0,9 g (22-48 tomchi). Davolash kursi – kamida 1 oy. O'sishdan orqada qolganda: 0,25 g (13 tomchi) dan kuniga 2-3 marta. Davolash kursi – 20 kun. Davolash kursi 1-2 oylik tanaffusdan keyin takrorlanadi yoki 3 oy davomida tanaffussiz buyuriladi. Sport tibbiyotida va intensiv mashg'ulotlarda: 2,5 g (8,33 ml) dan kuniga 1-3 marta (sutkalik doza 2,5-7,5 g); davolash maqsadida foydalanilganda – 70-100 mg/kg/sutka (5-7,5 g/sutka). Qabul qilish kurslari: musobaqa oldi davrida 3-4 hafta. Mashg'ulot jarayoni davrida – 6-8 haftagacha. Nojo'ya ta'siri Nojo'ya reaksiyalar a'zolar va tizimlar shikastlanishi hamda uchrash tezligiga muvofiq sanab o'tilgan. Uchrash tezligi quyidagicha aniqlanadi: juda tez-tez (≥1/10), tez-tez (≥1/100 dan <1/10 gacha), tez-tez emas (≥1/1 000 dan <1/100 gacha), kamdan-kam (≥1/10 000 dan <1/1 000 gacha), juda kamdan-kam (<1/10 000), tezligi noma'lum (mavjud ma'lumotlar asosida baholash imkonsiz). Me'da-ichak buzilishlari**: tezligi noma'lum – ko'ngil aynishi, qusish, qorinda og'riq, diareya. Ushbu namoyon bo'lganda preparatni bekor qilish talab etilmaydi. Mushak, skelet va biriktiruvchi to'qima tomonidan buzilishlar: tezligi noma'lum – miasteniya (uremiyasi bo'lgan bemorlarda). Teri va teri osti to'qimalari tomonidan buzilishlar*: tezligi noma'lum – teri toshmasi, eshakemi, yuz shishi, yuz giperemiyasi. Umumiy buzilishlar va yuborish joyidagi reaksiyalar: tezligi noma'lum – tananing g'ayritabiiy hidi (tanadan «baliq hidi» kelishi)**. *Ushbu simptomlar paydo bo'lganda dori vositasini bekor qilish va shifokorga murojaat qilish kerak. **Dozani kamaytirish dori vositasini qabul qilish bilan bog'liq tananing g'ayritabiiy hidini (tanadan «baliq hidi» kelishi) va me'da-ichak simptomlarini kamaytirishi yoki bartaraf etishi mumkin. O'zlashtirilishini qabul qilishning birinchi haftasi davomida va dozani har qanday oshirishdan keyin diqqat bilan nazorat qilish kerak. Doza oshirib yuborilishi Simptomlar: dispeptik buzilishlar, miastenik buzilishlar (uremiyasi bo'lgan bemorlarda). Davolash: me'dani yuvish, faollashtirilgan ko'mir qabul qilish. Homiladorlik va emizish davrida qo'llash Levokarnil® preparatini homiladorlik va emizish davrida qo'llash ushbu toifadagi bemorlarda yetarli tajriba yo'qligi sababli tavsiya etilmaydi. Boshqa dori vositalari bilan o'zaro ta'siri Glyukokortikosteroidlar preparatning to'qimalarda to'planishiga (jigardan tashqari) yordam beradi, boshqa anaboliklar ta'sirni kuchaytiradi. Maxsus ko'rsatmalar 3 yoshgacha bo'lgan bolalarni davolashni shifokor nazorati ostida amalga oshirish. Yordamchi moddalar Levokarnil® preparati metilparagidroksibenzoat va propilparagidroksibenzoatni o'z ichiga oladi, ular allergik reaksiyalarni (ehtimol, kechiktirilgan) keltirib chiqarishi mumkin. Transport vositalarini, mexanizmlarni boshqarish qobiliyatiga ta'siri Preparat alohida e'tibor va tezkor reaksiyalarni talab qiladigan potensial xavfli faoliyat turlarini bajarishga (avtomobil va boshqa transport vositalarini boshqarish, harakatlanuvchi mexanizmlar bilan ishlash, dispetcher va operator ishi va h.k.) ta'sir ko'rsatmaydi. Chiqarilish shakli Ichkariga qabul qilish uchun eritma 300 mg/ml. 50 ml dan dori vositalari uchun jigarrang yoki to'q sariq rangli shisha flakonlarga, tiqin-tomizgichlar va birinchi marta ochilishini nazorat qiluvchi burama qopqoqlar bilan yopilgan. 100 ml dan dori vositalari uchun jigarrang yoki to'q sariq rangli shisha flakonlarga, tiqin-tomizgichlar va birinchi marta ochilishini nazorat qiluvchi burama qopqoqlar yoki zichlovchi element va birinchi marta ochilishini nazorat qiluvchi burama qopqoqlar bilan yopilgan. Har bir flakon qo'llash bo'yicha yo'riqnoma bilan birga karton qutiga joylanadi. Karton qutiga o'lchov stakanini joylashga ruxsat etiladi. Saqlash shartlari 25 °C dan yuqori bo'lmagan haroratda.