Solodkovogo kornya, 50 ml, sirop

Qo'llash usuli va dozalari Ichga. Kattalar va 12 yoshdan oshgan bolalarga – 1 desert qoshiqdan (10 ml) kuniga 3-4 marta; 2 yoshdan 12 yoshgacha bo'lgan bolalarga – 1 choy qoshiqdan (5 ml) kuniga 3-4 marta. 2 yoshgacha bo'lgan bolalarga – 1/2 choy qoshiqdan (2,5 ml) kuniga 3-4 marta. Davolash kursi davomiyligi – 7-10 kun. Zarur bo'lganda davolash kursini 2 haftagacha uzaytirish mumkin. Qo'llashdan oldin shifokor bilan maslahatlashish tavsiya etiladi. Nojo'ya ta'sirlari Allergik reaksiyalar, dispeptik hodisalar (jig'ildon qaynashi, ko'ngil aynishi, diareya) bo'lishi mumkin. Kam hollarda arterial qon bosimining ko'tarilishi, periferik shishlar paydo bo'lishi mumkin. Qo'llash mumkin bo'lmagan holatlar Preparat tarkibiy qismlariga yuqori sezuvchanlik, homiladorlik, emizish davri, 2 yoshgacha bo'lgan bolalar, saxaraza/izomaltaza tanqisligi, fruktozani o'zlashtirolmaslik, glyukoza-galaktoza malabsorbsiyasi, jigar va buyrak funksiyasining og'ir buzilishlari. Maxsus ko'rsatmalar Preparat tarkibida qand mavjud, buni qandli diabeti bo'lgan bemorlar va gipokaloriyali parhezda bo'lgan shaxslar hisobga olishlari kerak. Preparatning maksimal sutkalik dozasida 12,0 g saxaroza mavjud. Davolash davrida avtotransportni boshqarishda va yuqori diqqatni jamlash hamda psixomotor reaksiyalar tezligini talab qiladigan boshqa potensial xavfli faoliyat turlari bilan shug'ullanishda ehtiyotkorlikka rioya qilish kerak (etanol tarkibi tufayli). Preparatni qo'llashdan oldin shifokor bilan maslahatlashing va batafsil yo'riqnomani o'qing.