Tsi-Klim, 20 mg, tab. №20

Qo'llash usuli va dozalari TSI-KLIM® ichga, 1 tabletkadan (chaynamasdan, oz miqdorda suyuqlik bilan) kuniga 2 marta, imkon qadar kunning bir vaqtida (ertalab va kechqurun) qabul qilinadi. Davolash davomiyligi shifokor tomonidan belgilanadi. Nojo'ya ta'sirlari Preparat tarkibiy qismlariga allergik reaksiyalar bo'lishi mumkin. Kam hollarda epigastral sohada og'riq paydo bo'lishi va tana vaznining ortishi mumkin. Dozani oshirib yuborish Preparatni tavsiya etilganidan sezilarli darajada yuqori dozalarda tasodifan qabul qilinganda dispepsiya, gastralgiya, jigar funksiyasining buzilishi kuzatilishi mumkin. Davolash simptomatik. Boshqa dori vositalari bilan o'zaro ta'siri Dozani oshirib yuborish ehtimoli tufayli tsitsimifuga ekstrakti saqlovchi boshqa preparatlar bilan birga qabul qilish tavsiya etilmaydi. Maxsus ko'rsatmalar Shifokor maslahatisiz preparatni 3 oydan ortiq qabul qilmaslik kerak. Hayz sikli xarakteri o'zgarganda, shuningdek uzoq davom etadigan yoki boshqa yangi paydo bo'lgan shikoyatlarda shifokorga murojaat qilish zarur. Homiladorlik yuz berganda preparatni qabul qilishni to'xtatish va shifokorga murojaat qilish kerak. Transport vositalarini, mexanizmlarni boshqarish qobiliyatiga ta'siri TSI-KLIM® yuqori diqqatni jamlash va tezkor psixomotor reaksiyalarni talab qiluvchi potensial xavfli faoliyat turlarini bajarishga ta'sir ko'rsatmaydi (avtomobil va boshqa transport vositalarini boshqarish, harakatlanuvchi mexanizmlar bilan ishlash, dispetcher, operator ishi va h.k.). Chiqarilish shakli Plyonka qobiq bilan qoplangan tabletkalar, 20 mg. Polivinilxlorid plyonka va alyuminiy folga asosidagi egiluvchan o'ramdan iborat kontur uyali o'ramda 20 ta tabletkadan. 1, 2, 3 yoki 4 ta kontur uyali o'ram qo'llash bo'yicha yo'riqnoma bilan birga karton qutiga joylanadi. Yaroqlilik muddati 3 yil. Yaroqlilik muddati o'tgandan keyin ishlatilmasin. Saqlash sharoiti 25 °C dan yuqori bo'lmagan haroratda, original o'ramida.